डोङफेङद्वारा विश्वकै सबैभन्दा ठूलो १६,००० टन डाइ–कास्टिङ उत्पादन लाइन सञ्चालनमा

वुहान । डोङफेङले विश्वकै सबैभन्दा ठूलो १६,००० टन क्षमताको डाइ–कास्टिङ उत्पादन लाइन सञ्चालनमा ल्याएको छ।

माघ ८ गते वुहान आर्थिक तथा प्रविधि विकास क्षेत्रस्थित डोङफेङको डाइ–कास्टिङ कारखानाले पहिलो उत्पादनका रूपमा ब्याट्री केसिङ सफलतापूर्वक उत्पादन गरेको कम्पनीले जनाएको छ।

उक्त कारखानामा १६,००० टन र १०,००० टन क्षमताका दुई अत्याधुनिक डाइ–कास्टिङ उत्पादन लाइन सञ्चालनमा छन्, जुन विश्वमै सबैभन्दा ठूलो क्षमताका उत्पादन प्रणाली मानिन्छन्। यहाँ निर्मित कम्पोनेन्टहरू अप्रिल महिनादेखि सामूहिक उत्पादनमा जाने अपेक्षा गरिएको छ। पहिलो चरणमा डोङफेङ भπ ००७, भπ ००८ तथा ख्यथबज म्चभबmभच जस्ता मोडेलहरूमा यी कम्पोनेन्ट प्रयोग गरिनेछ।

कारखानाको मुख्य उद्देश्य नयाँ ऊर्जा सवारी साधन (ल्भ्ख्) का लागि अल्ट्रा–लार्ज इन्टिग्रेटेड डाइ–कास्ट संरचनात्मक कम्पोनेन्टहरूको अनुसन्धान, विकास, उत्पादन तथा बिक्री गर्नु हो। विशेषगरी ब्याट्री केसिङजस्ता महत्वपूर्ण संरचनात्मक भागहरू यसमा समावेश छन्।

डोङफेङका अनुसार, परम्परागत निर्माण विधिको तुलनामा डाइ–कास्ट ब्याट्री केसिङले सवारी साधनको पावर ब्याट्री प्रणालीको सुरक्षा बढाउने, सवारीको तौल र ऊर्जा खपत घटाउने तथा ड्राइभिङ रेन्ज विस्तार गर्न महत्वपूर्ण भूमिका खेल्छ।

४७,००० वर्ग मिटर क्षेत्रफलमा फैलिएको यस कारखानाको निर्माण कार्य नोभेम्बर २०२४ मा सुरु गरिएको थियो भने मुख्य उत्पादन भवन अगस्ट २०२५ मा सम्पन्न भएको हो। करिब १ अर्ब युआन (करिब १४३.६ मिलियन अमेरिकी डलर) लगानीमा निर्माण गरिएको यस उद्योगमा १६,००० टन र १०,००० टन क्षमताका डाइ–कास्टिङ मेसिनहरू जडान गरिएका छन्।

हाल कारखानाको वार्षिक उत्पादन क्षमता २ लाख अटोमोबाइल कम्पोनेन्ट रहेको छ। दोस्रो चरणमा थप चार उत्पादन लाइन निर्माण गर्ने योजना रहेको छ, जसपछि कुल वार्षिक उत्पादन क्षमता ६ लाख युनिटसम्म पुग्ने अपेक्षा गरिएको छ।

१६,००० टन क्षमताको डाइ–कास्टिङ मेसिन चीनमै डिजाइन तथा निर्माण गरिएको हो, जसका कारण यो हालसम्म उद्योगकै सबैभन्दा ठूलो इन्टिग्रेटेड डाइ–कास्टिङ कारखानाका रूपमा स्थापित भएको छ।

विशेषगरी, १०,००० टन क्षमताको डाइ–कास्टिङ मेसिनमा एक चलायमान र एक स्थिर मोल्ड प्रयोग गरिएको छ। ७२० डिग्री सेल्सियस तापक्रमको पग्लिएको एल्युमिनियम मोल्डभित्र इन्जेक्ट गरेपछि तीव्र रूपमा मोल्ड क्याभिटीमा भरिन्छ। त्यसपछि चलायमान मोल्डले १०,००० टन दबाबका साथ स्थिर मोल्डलाई थिच्छ, जसबाट केवल दुई मिनेटभित्रै ब्याट्री ट्रे र ब्याट्री केसिङ आवश्यक आकारमा तयार हुन्छ।