स्वास्थ्य सचिवमा डा. विकास देवकोटा नियुक्त

काठमाडौँ । सरकारले स्वास्थ्य मन्त्रालयको सचिवमा डा. विकास देवकोटालाई नियुक्त गरेको छ । बुधबार बसेको मन्त्रिपरिषद् बैठकले स्वास्थ्य सचिवमा डा.देवकोटालाई नियुक्त गरेको एक मन्त्रीले जानकारी दिए ।

मन्त्रालयको सचिवका रूपमा कार्यरत डा. रोशन पोखरेल यही फागुन ११ गते आइतबारदेखि उमेर हदका कारण अनिवार्य अवकाशमा गएपछि नयाँ सचिव नियुक्त गरिएको हो ।

स्वास्थ्य सचिवका लागि बढुवा समितिले वरीयताका आधारमा डा. संगीता कौशल मिश्रा, डा. विकास देवकोटा र डा. टंक बाराकोटीको नाम सिफारिस गरेको थियो । देवकोटा हाल स्वास्थ्य सेवा विभागका महानिर्देशकको जिम्मेवारीमा छन् ।