काठमाडौंमा लागूऔषध काण्ड ! ‘खैरो हेरोइन’ जस्तो देखिने वस्तु बरामद

काठमाडौँ । लागू औषध नियन्त्रण सम्बन्धी अभियानअन्तर्गत काठमाडौंका विभिन्न स्थानहरूबाट खैरो हेरोइन जस्तो देखिने लागू औषधसहित चार जना पक्राउ परेका छन् ।

पक्राउ परेका व्यक्तिहरूको साथबाट कूल १७।५० ग्राम लागू औषध र नगद ५० हजार रुपैयाँ बरामद गरिएको प्रहरीले जनाएको छ। प्रहरीका अनुसार २०८२ साल साउन १२ गते साँझ ७:३० बजे काठमाडौंको गोकर्णेश्वर नगरपालिका–८, अत्तरखेलस्थित सडक खण्डमा शंकास्पद गतिविधिमा संलग्न व्यक्तिहरूलाई चेकजाँच गर्ने क्रममा १० ग्राम लागू औषध र नगद ५०,००० रुपैयाँसहित दुई जना पक्राउ परेका हुन्। उनीहरूलाई बौद्ध प्रहरी वृत्तबाट खटिएको टोलीले नियन्त्रणमा लिएको हो।

त्यसैगरी, साउन १३ गते बिहान करिब ११:०० बजे चन्द्रागिरी नगरपालिका–२, नागढुङ्गास्थित चेकपोस्टमा बर्दियाबाट काठमाडौं आउँदै गरेको बा।प्र।०१–००६ ख ५५२२ नम्बरको यात्रुवाहक बसमा सवार दुई जनाको साथबाट ७।५० ग्राम लागू औषध बरामद गरिएको छ। उनीहरूलाई प्रहरी प्रभाग नागढुङ्गा र लागू औषध नियन्त्रण ब्यूरो, शाखा कार्यालय नागढुङ्गाको संयुक्त टोलीले चेकजाँचको क्रममा पक्राउ गरेको हो।

पक्राउ परेका व्यक्तिहरूको विवरण यस प्रकार छ:

१। यम बहादुर क्षत्री (४१), स्थायी ठेगाना: साँगाचोकगढी नगरपालिका–२, सिन्धुपाल्चोक; हाल बसोबास: अत्तरखेल, काठमाडौं।
२। रोसन कार्की (२४), शंखरापुर नगरपालिका–९, साँखु, काठमाडौं।
३। जलील अहमद सई (२२), गुलरिया नगरपालिका–११, बर्दिया।
४। प्रेम राई दास (३१), ठेगाना खुलाइएको छैन।