जाजरकोट भूकम्प अपडेटः १५७ जनाको मृत्यु, २५३ जना घाइते

काठमाडौं । जाजरकोट भूकम्पमा परी हालसम्म १ सय ५७ जनाको मृत्यु भएको छ ।

मृत्यु हुनेमा जाजरकोटका १०५ तथा रुकुम पश्चिमका ५२ जना रहेका छन् । यस्तै घाइते हुनेहरूको सङ्ख्या बढेर २ सय ५३ पुगेको छ ।

घाइतेहरूमा जाजरकोटका १ सय १२ जना, रुकुम पश्चिमका १३२ जना, जुम्लाका ५ जना तथा दैलेख र सल्यानका दुई दुई जना रहेका छन् ।

सरकारले आज भूकम्प पीडितका लागि विशेष राहतको घोषणा गर्ने तयारी गरेको छ । त्यसका लागि प्रधानमन्त्री पुष्पकमल दाहाल प्रचण्डले बिहान ८ बजेका लागि मन्त्रिपरिषद्को बैठक समेत बोलाएको छ ।