इलाम-२ मा शान्तिपूर्ण रूपमा मतदान सुरु

इलाम । इलाम क्षेत्र–२ मा मतदान सुरु भएको छ ।

१४९ मतदान केन्द्रमा शान्तिपूर्ण रूपमा मतदान सुरु भएको मुख्य निर्वाचन अधिकृत केशवप्रसाद घिमिरेले बताए ।

शान्तिपूर्ण एवं भयरहित वातावरणमा निर्वाचन सम्पन्न गर्न १४५ कर्मचारी, एक हजार ५२३ नेपाल प्रहरी, ११० सशस्त्र प्रहरी बल, ४५० नेपाली सेना र राष्ट्रिय अनुसन्धान विभागका २४ जना परिचालन भएका उनले बताए ।

यो चुनावमा १ लाख १५ हजार ८८९ मतदाता कायम भएका छन् । आयोगका अनुसार ५९ हजार १८ पुरुष, ५६ हजार आठ सय ६९ महिला र दुई जना तेस्रो लिङ्गी छन् ।