ईयुद्वारा इटालीको बिरोधको बाबजुद ठूला सवारी साधनहरूमा कडा नियम पारित

इटाली । युरोपेली संघ (इयु) काउन्सिलले इटाली र अन्य दुई देशहरूको बिरोधको बाबजुद ठूला सवारी साधनहरूबाट हरितगृह ग्यास उत्सर्जन कम गर्न नयाँ उपायहरू अपनाउने नियम पारित गरेको छ । इटालीको विद्युतीय सवारीसाधनको प्रयोग गर्ने दर युरोपेली संघमा सबैभन्दा कम हो । यद्यपि सरकारले इटालीमा विद्युतीय सवारी उत्पादक ल्याउने वार्ता गरिरहेको छ र विद्युतीय कारको संख्या बढिरहेको छ । नयाँ तथ्याङ्कले समग्र उत्सर्जनमा कमी आएपनि यातायातबाट हरितगृह ग्यास उत्सर्जन बढिरहेको देखाउँछ । काउन्सिलको नयाँ उपायले भारी शुल्क लाग्ने सवारी साधनहरूका लागि युरोपेली नियमहरूलाई बलियो बनाउँछ । जुन व्यावसायिक यातायात, जन ट्रान्जिट र मनोरञ्जनका लागि प्रयोग गरिन्छ । इटाली, पोल्याण्ड र स्लोभाकियाको विरोधको बाबजुद यो उपाय अपनाइएको हो ।