निर्वाचनपछि पनि सत्ता गठबन्धनकै नेतृत्वमा सरकार बन्छ : सञ्चारमन्त्री कार्की

काठमाडौँ । सञ्चार तथा सूचना प्रविधि एवं कानुन, न्याय तथा संसदीय मामिला मन्त्री ज्ञानेन्द्र बहादुर कार्कीले निर्वाचनपछि सत्तारुढ गठबन्धनको सरकार बन्ने बताएका छन् ।

सुनसरीको भोक्राहा नरसिंह गाउँपालिका वडा नम्बर–४ मा सत्तारुढ गठबन्धनको चुनावी सभालाई सम्बोधन गर्दै मन्त्री कार्कीले जनताले चाहेको विकास र समृद्धिको अभिलाषालाई पुरा गर्न काँग्रेसको नेतृत्वमा सत्ता गठबन्धनको सरकार बन्ने बताए ।

सामाजिक एकता र सद्भाव अभिवृद्धि नगरी राष्ट्रिय एकता सम्भव नहुने बताउँदै उनले राष्ट्रिय एकता नभई देशमा राजनीतिक स्थायित्व कायम नहुने बताए । राजनीति स्थायित्व भएपछि मात्रै मुलुकले समृद्धि हासिल गर्ने मन्त्री कार्कीको भनाइ छ ।

मुलुकको मुहार फेर्न, गरिबी र बेरोजगारी अन्त्य गर्न सत्ता गठबन्धनको सरकार लागि परेको उनको भनाइ छ । यसका साथै उनले सुनसरीका युवालाई रोजगार बनाउनुका साथै उनले डुवानको समस्यालाई समाधान गर्न आफू गम्भीर रहेको बताए ।