एभरेष्ट बैंकद्वारा तिहार लक्षित भिडियो सार्वजनिक

काठमाडौँ । एभरेष्ट बैंक लिमिटेडले हिन्दु नेपालीहरूको अर्को महत्त्वपूर्ण चाड तिहारको अवसरमा सन्देशमूलक भिडियो सार्वजनिक गरेको छ ।  बैंकले तिहार लक्षित गर्दै दाजुभाइ र दिदीबहिनीको सम्बन्ध अझै सुमधुर बनाउने उद्देश्यले सो भिडियो सार्वजनिक गरेको हो । नेपालमा अहिले अध्ययन तथा कामको सिलसिलामा धेरैजसो नेपालीहरू घरबाट टाढा रहन्छन् ।

यस्तो भौतिक दुरीलाई मेटाउँदै दाजुभाई र दिदीबहिनीको सम्बन्धलाई अझ सुमधुर बनाई चाडबाड मनाउन यस भिडियोमा दर्शाइएको छ ।

बैंकले स्थापना कालदेखि नै ग्राहकहरुको पहिलो रोजाइको यस बैंकमा हालसम्म करीब १२ लाख सन्तुष्ट ग्राहकहरू रहेका छन् तथा देशैभरि छरिएर रहेको आफ्नो १०५ शाखा संजाल, प्रादेशिक कार्यालय, १३८ ओटा एटिएमसहित विश्वव्यापी नेटवर्कबाट अत्याधुनिक मोबाइल र इन्टरनेट र एसएमएस बैकिंग सुबिधा प्रदान गर्दै आइरहेको छ ।

यस बैंकले नेपाल सरकारको राजस्व सङ्कलनको लागि ३१ वटा सङ्कलन केन्द्रबाट समेत सेवा दिदै आइरहेको छ ।