एभरेष्ट बैंकको वीरगञ्ज शाखा र मधेश प्रदेशको प्रादेशिक कार्यालय अब आफ्नै भवनमा

काठमाडौं । एभरेष्ट बैंकले आफ्नो वीरगञ्ज शाखा र मधेश प्रदेशको प्रादेशिक कार्यालय आफ्नै भवनमा स्थानान्तरण गरेको छ ।

हिजो आइतबार आयोजित विशेष कार्यक्रमका बीच वीरगञ्ज महानगरपालिका–१०, आदर्शनगरस्थित बैंकको वीरगञ्ज शाखा र मधेश प्रदेशको प्रादेशिक कार्यालय सोही नगरको वडा नं. ४ आदर्शनगरमा आफ्नै नवनिर्मित भवनमा स्थानान्तरण गरेको हो ।

स्थानान्तरण तथा शुभारम्भ कार्यक्रममा वीरगञ्ज चेम्बर अफ कमर्सका वरिष्ठ उपाध्यक्ष हरि गौतम, बैंकका सञ्चालक समितिका अध्यक्ष डा. बाल गोपाल वैद्यलगायत सो क्षेत्रका उच्च पदस्थ व्यतिmत्वहरुको उपस्थिति थियो ।

कार्यक्रममा बैंकका मधेश प्रदेशका प्रादेशिक प्रबन्धक पुष्पराज उप्रेतीले उक्त नवनिर्मित आफ्नै भवनबाट ग्राहकहरुले अझ बृहत र परिष्कृत बैंकिङ्ग सेवा तथा सुविधा सरल, सुलभ र सहज रुपमा उपभोग गर्न सक्ने बताए ।