अर्थमन्त्री बर्षमान पुनका चालक हवल्दारले मन्त्रालयमै कुटे एसपीका बडीगार्ड जवान

काठमाडौं । अर्थमन्त्री बर्षमान पुनका चालक नेपाल प्रहरीका प्रहरी हवल्दार उज्ज्वल भण्डारीले सिंहदरबार गणका एसपी सन्तोष तामाङका अंगरक्षक प्रहरी जवान सुन्दर सिंहलाई कुटपिट गरेका छन् ।

उनले आज बिहान करिब साढे १० बजेको समयमा मन्त्रीको सचिवालयमै सिंहमाथि कुटपिट गरेका हुन् । भण्डारीले आफूलाई सलाम नगरेको भन्दै अंगरक्षक सिंहको गालामा जोडले थप्पड हानेको एक प्रत्यक्षदर्शीले जानकारी दिएका छन् ।

सिंहमाथि थप्पड हान्दा मन्त्री पुन आफ्नो कार्यकक्षमा रहेको बताइएको छ । मन्त्रालयभित्र भएको यो घटनालाई अहिले सामसुम पार्ने प्रयास भइरहेको स्रोत बताउँछ ।