सामाखुशीमा पेट्रोल पम्प नजिक आगलागि, क्षतिको विवरण आउन बाँकी

काठमाडौं । टोखा नगरपालीका १० स्थित सामाखुसी चोकबाट टोखा जाने सडक खण्डमा पुरुषोत्तम मानन्धरद्वारा सञ्चालित आकाश जोगिनी पेट्रोल पम्पसँगै टहरामा लागेको आगो निभाइएको छ ।

आज साँझ लागेको आगो निभाईको जिल्ला प्रहरी परिसर काठमाडौंका प्रवक्ता, प्रहरी उपरीक्षक दिनेशराज मैनालीले बताए ।

काठमाडौं महानगरपालीकाबाट १, बालाजु औद्योगिक क्षेत्रबाट १, बूढानीलकण्ठ नगरपालीकाबाट १ र प्रहरीको वाटर क्यानन १ सहित ४ वटा दमकलहरु र ५ वटा पानी ट्याङ्करहरुसमेत प्रयोग गरी आगे निभाइएको उनको भनाइ छ ।

आगो निभाउन नेपाल प्रहरी, सशस्त्र प्रहरी बल र नेपाली सेनाको टोली घटनास्थल पुगेको प्रवक्ता मैनालीले बताए । घटनामा मानवीय क्षति नभए पनि अन्य क्षति भने भएको छ । क्षतिको विवरण आउन बाँकी रहेको रहेको र आगोलागीको कारण नखुलेको मैनालीको भनाइ छ । घटनाका विषयमा प्रहरी वृत्त महाराजगञ्‍जले अनुसन्धान सुरु गरेको छ ।