फ्लाइटेक इन्टरनेशनलका सीईओ शाहरुख हुसेनलाई ‘युथ अन्टरप्रेनर अवार्ड’

काठमाडौं । नेपालको नम्बर वान एअरहोस्टेस एकेडेमी फ्लाइटेक इन्टरनेशनलका प्रमुख कार्यकारी अधिकृत (सीईओ) शाहरुख हुसेनले ‘युथ अन्टरप्रेनर अवार्ड, २०२५’ प्राप्त गर्नुभएको छ ।

कर्पोरेट म्यागजिनले उहाँलाई सो अवार्ड प्रदान गरेको हो ।

बिहीबार काठमाडौंको लाजिम्पाटस्थित र्‍याडिसन होटेलमा आयोजित ‘कर्पोरेट बिजनेश अवार्ड, २०२५’ समारोहमा उहाँलाई सो अवार्ड प्रदान गरिएको कर्पोरेट म्यागजिनका संस्थापक सम्पादक उज्वलजंग शाहले जानकारी दिनुभयो ।

कार्यक्रमका प्रमुख अतिथि रक्षामन्त्री मानवीर राई, अवार्ड छनोट समिति संयोजक तथा नेपाल उद्योग वाणिज्य महासङ्घ (एफएनसीसीआई) की पूर्वअध्यक्ष भवानी राणा, कर्पोरेट मिडियाकी उपाध्यक्ष सुष्मा महरालगायतले उहाँलाई अवार्ड प्रदान गर्नुभएको थियो ।

फ्लाइटेक इन्टरनेशनलबारे

नेपालको पहिलो नम्बर वान अन्तर्राष्ट्रिय मान्यताप्राप्त एअरहोस्टेस एकेडेमी हो फ्लाइटेक इन्टरनेशनल । यसका प्रमुख कार्यकारी अधिकृत (सीईओ) हुनुहुन्छ शाहरुख हुसेन । ‘आईएसओ ९००१एम२०१५’ प्रमाणित यो एकेडेमीले अन्तर्राष्ट्रिय मापदण्डहरूमा आधारित रहेर आफ्नो अध्यापन अगाडि बढाइरहेको छ । फ्लाइटेकले अग्रणी अन्तर्राष्ट्रिय र घरेलु एयरलाइन्सहरूका लागि एअरहोस्टेसहरू उत्पादन र आपूर्ति गर्दै आएको छ ।

फ्लाइटेक इन्टरनेशनलमा प्रदान गरिने प्रशिक्षण तथा सुविधाहरू नेपालकै उत्कृष्ट छ । नेपालकै एक मात्र एयरक्राफ्ट–थिम्ड कक्षाकोठा रहेको संस्थाका रूपमा फ्लाइटेक चर्चित छ ।

‘सपना साकार बनाउँदै’ मूल नारा लिएर अघि बढेको यो एकेडेमीले इन्टरनेशनल एअरहोस्टेस ट्रेनिङ–डिप्लोमा, इन्टरनेशनल एअरहोस्टेस ट्रेनिङ–सर्टिफिकेट, बेसिक एअरहोस्टेस ट्रेनिङ र मेक ओभर तथा ग्रुमिङ ट्रेनिङ प्रदान गर्दै आएको छ । फ्लाइटेक वल्र्ड बुक अफ रेकर्ड्स लण्डनद्वारा सम्मानित नेपालको पहिलो र एकमात्र संस्था हो ।

हेर्नुहोस् भिडिओ–