सोमबार, वैशाख २८, २०८३
कर्पोरट खबर
5:52 pm, सोमबार, वैशाख २८, २०८३
काठमाडौं । नेपालमा कार्बन प्राधिकरण गठन हुने भएको छ । सरकारको आगामी आर्थिक वर्षको नीति तथा कार्यक्रममा प्रस्तुत गर्दै राष्ट्रपति रामचन्द्र पौडेलले उक्त कुरा बताएका हुन् ।
उनले वन डढेलो उच्च सतर्कता केन्द्र स्थापना गर्ने पनि बताए । अग्नि नियन्त्रण क्षमता अभिवृद्धि गरिने पनि राष्ट्रपति पौडेलले बताए । सामुदायिक वन समूहलाई कार्बन क्रेडिटबाट अपेक्षित लाभ सुनिश्चित गरिने नीति तथा कार्यक्रममा उल्लेख छ ।
“नेपाल कार्बन प्राधिकरण गठन गरिनेछ । सामुदायिक वन समूहलाई कार्बन क्रेडिटबाट अपेक्षित लाभ सुनिश्चित गरिनेछ । नीतिगत सुधारमार्फत भवन निर्माण तथा उद्योगमा स्वदेशी काठको उपयोगलाई प्रोत्साहन गरिनेछ,” राष्ट्रपति पौडेलले भने, “वन डढेलो उच्च सतर्कता केन्द्र स्थापना, निरन्तर निगरानी तथा अग्नि नियन्त्रण क्षमता अभिवृद्धि गरिनेछ ।”
