जेठ ११ देखि युनिक नेपाल लघुवित्तले एफपीओ बिक्री खुला हुने

काठमाडौँ । युनिक नेपाल लघुवित्त वित्तीय संस्थाले थप सार्वजनिक निष्कासन (एफपीओ) बिक्री खुलाउने भएको छ

। कम्पनीले यही जेठ ११ गतेदेखि सर्वसाधारणका लाग एफपीओ बिक्री खुलाउने भएको हो ।

लघुवित्तले यही जेठ ११ गतेदेखि प्रतिकित्ता १०० रुपैयाँ अङ्कित ३ लाख ७९ हजार ४२५ कित्ता सेयर बिक्री खुलाउने छ ।

यसको मूल्य ३ करोड ७९ लाख ४२ हजार ५०० रुपैयाँ हुनेछ ।

युनिक नेपाल लघुवित्त र घोडाघोडी लघुवित्त मर्ज भएर बनेको युनिक नेपाल लघुवित्तमा ९४.०१ प्रतिशत सेयर संस्थापक छ ।

यस्तै, सर्वसाधारणहरुसँग लघुवित्तको ५.९९ प्रतिशत सेयर छ ।

बैंक तथा वित्तीय संस्था सम्बन्धी ऐन, २०७३ र केन्द्रीय बैंकले गाभ्न तथा गाभिन अन्तीम स्वीकृती प्रदान गर्दा दिएको निर्देशन बमोजिम लघुवित्तले एफपीओ बिक्री खुलाउन लागेको हो ।

एफपीओको बिक्री खुला छिटोमा जेठ १६ गतेसम्ममा बन्द हुनेछ । उक्त अवधिमा पूर्ण सेयर माग नभएमा आवेदन जेठ २५ गतेसम्ममा दिन पाइने व्यवस्था हुनेछ ।

र, कम्पनीको सेयर बिक्री प्रबन्धकमा मुक्तिनाथ क्यापिटल रहेको छ ।