तोलामा चार सयले घट्यो सुनको मूल्य

काठमाडौं । नेपाली बजारमा आज पनि सुनचाँदीको मूल्य घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ६० हजार १ सय रुपैयाँमा कारोबार भइरहेको छ । यो मूल्य अघिल्लो दिनको तुलनामा प्रतितोला ४ सय रुपैयाँ घटेको हो ।

हिजो छापावाल सुन प्रतितोला १ लाख ६० हजार ५ सय रुपैयाँमा कारोबार भएको थियो । त्यसैगरी, आज चाँदीको मूल्य पनि घटेको छ । आज चाँदी प्रतितोला १९ सय ४० रुपैयाँमा कारोबार भइरहेको छ ।

हिजो चाँदी प्रतितोला १९ सय ८० रुपैयाँमा कारोबार भएको थियो । आइतबारको तुलनामा आज चाँदी ४० रुपैयाँ घटेको हो ।