एकैदिन तोलाको ४ हजार रुपैयाँले घट्यो सुन

काठमाडौं । नेपाली बजारमा आज एकैदिन सुनको मुल्य प्रतितोला ४ हजारले घटेको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य प्रति तोला एक लाख ६४ हजार ५ सय रुपैयाँमा कारोबार भईरहेको छ।

अघिल्लो कारोबार दिन (बुधबार) छापावाला सुन प्रतितोला १ लाख ६८ हजार ५ सय रुपैयाँमा कारोबार भएको थियो। त्यस्तै आज चाँदीको मुल्य पनि घटेको छ । आज चाँदी तोलामा ५५ रुपैयाँ घटेको छ । अघिल्लो दिन प्रतितोला २० सय १५ रुपैयाँ रहेको चाँदी आज १९ सय ६० मा झरेको छ ।

अन्तर्राष्ट्रिय बजारमा सुनचाँदी मूल्यमा आएको उच्च गिरावटले नेपालमा प्रभाव देखिएको हो । अन्तर्राष्ट्रिय बजारअनुसार नेपालमा दैनिक मूल्य समायोजन हुँदै आएको छ ।

अन्तर्राष्ट्रिय बजारमा सुनको भाउ एकैदिन ३ दशमलव २ प्रतिशत हाराहारीमा घटेको छ । अमेरिकी राष्ट्रपतिमा डोनल्ड ट्रप निर्वाचित भएसँगै डलर मजबुत हुँदा सुनचाँदीको मूल्यमा उच्च गिरावट देखिएको अन्तर्राष्ट्रिय सञ्चारमाध्यमले जनाएका छन् ।