काठमाडौं-४: ६ हजार ८३४ मतान्तरले गगन अगाडी, ५ हजार ४६३ मत गन्न बाँकी

काठमाडौं । काठमाडौं– ४ मा नेपाली कांग्रेसका गगन थापाको जित सुनिश्चित भएको छ । सो क्षेत्रमा गन्न बाँकी रहेको मतभन्दा मतान्तर धेरै भएको छ ।

पछिल्लो अपडेट अनुसार सो क्षेत्रमा गगन र राजनबीचको मतान्तर ६ हजार ८३४ रहेको छ । जबकी सो क्षेत्रमा अब ५ हजार ४ सय ६३ मत मात्र गन्न बाँकी छ ।

अहिलेसम्म यस क्षेत्रमा ४३ हजार ३ सय ९६ मतको गणना सकिएको छ । खसेको मत ४८ हजार ८५९ मत हो । यसर्थ अबको गणनामा कुनै मत नआए पनि गगन विजयी हुनेछन् ।

अहिलेसम्मको गणनामा गगनले २० हजार ४१७ भोट ल्याएका छन् भने एमालेका भट्टराईको १३ हजार ३२ भोट छ । यस्तै राप्रपाले ३ हजार ६ सय ९३ र लौरोको ११ सय ३३ भोट आएको छ । गगनले विजयको औपचारिक घोषणाका लागि केही समय प्रतिक्षा गर्नुपर्ने छ ।

काठमाडौं–४ गगनले निरन्तर चुनाव जित्दै आएको क्षेत्र हो । अघिल्लो चुनावमा पनि उनले एमालेका भट्टराईलाई नै हराएर विजयी भएका थिए ।