मतदातालाई धन्यवाद दिँदै गगन थापाले भने, ‘हजुरहरु प्रति म ऋणी छु’

काठमाडाैं । नेपाली काँग्रेसका महामन्त्री गगन कुमार थापाले मतदाताप्रति ऋणी आँफु ऋणी भएकाे जनाएका छन् । काठमाडाैं क्षेत्रनम्बर ४ बाट चुनाव जितेका थापाले मतदाताप्रति आभार प्रकट गरेका हुन् ।

उनले सामाजिक संजाल फेसबुक मार्फत यस्ताे प्रतिक्रिया दिएका हुन् । उनले फेसबुकमा लेखेका छन्, ‘फेरी एक पटक काठमाडौँ क्षेत्र नं. ४ का मतदाताहरुले मलाई विश्वास र स्नेह प्रकट गरेर प्रतिनिधि सभामा निर्वाचित गरिदिनुभएकोमा म मेरो श्रदेय मतदाताहरुलाई कोटी कोटी नमन गर्न चाहन्छु। हजुरहरु प्रति म कृतज्ञ छु, आभारी छु र ऋणी छु।’

थापाले काठमाडाैं क्षेत्रनम्बर ४ बाट एमाले नेता डा. राजन भट्टराइलाइ पराजित गराएका हुन् ।