गरिमा विकास बैंकले आफ्नो १७औँ वार्षिकोत्सवमा के–के गर्‍यो ?

काठमाडौं । ‘एक्सिस टू अल’ मूल नारा बनाइ १६ वर्षअघि स्थापना भएको गरिमा विकास बैंक हिजो बिहीबार (७ मंसिर २०८०) देखि १६औं वर्ष पूरा गरी १७औँ वर्षमा प्रवेश गरेको छ ।

नेपालको विभिन्न शहरी तथा ग्रामीण जिल्लाहरूमा बैंकिङ सेवा प्रदान गर्दै आइरहेको बैंकले यो यात्रामा निरन्तर साथ दिने सेवाग्राही, शेयरधनी, नियमनकारी निकायहरु, कर्मचारी तथा शुभेच्छुकहरुप्रति कृतज्ञता प्रकट गरेको छ ।

काठमाडौंको लाजिम्पाटमा केन्द्रीय कार्यालय रहेको बैंकले १२३ शाखा कार्यालय र ५१ वटा एटीएम बुथमार्फत नेपालको विभिन्न शहरी तथा ग्रामिण जिल्लाहरुमा सरल, सुरक्षित एवम् गुणस्तरीय बैकिङ्ग सेवा प्रवाह गरिरहेको जनाएको छ ।

हालै प्रकाशित चालू आर्थिक वर्षको पहिलो त्रैमाससम्मको अपरिष्कृत वित्तीय विवरण अनुसार बैंकले रू. ८० अर्ब निक्षेप सङ्कलन गरेको छ भने करिब रू. ६८ अर्ब कर्जा लगानी गरेको छ । करिब ८ लाख ग्राहकहरुलाई सेवा पुर्‍याइरहेको गरिमाले आफ्नो वासलात एवम् अन्य प्रमुख वित्तीय सूचकहरुमा निरन्तर उत्साहजनक तथ्य प्रस्तुत गरिरहेको छ ।

बैंकले वार्षिकोत्सवमा के–के गर्‍यो ?

बैंकले आफ्नो १७औं वार्षिकोत्सवको अवसरमा काठमाडौंको पुतलीसडकमा १२३औं शाखा विस्तार गरेको छ भने देशैभर एकैदिन १७ वटा संस्थागत सामाजिक उत्तरदायित्वका कार्यक्रमहरु आयोजना गरेको जनाएको छ ।

देशभर भएका संस्थागत सामाजिक उत्तरदायित्वअन्तर्गत भएका कामहरू यसप्रकार छन्–

१. रक्तदान कार्यक्रम: विकास बैंकको प्रधान कार्यालय, लाजिम्पाटमा आयोजित रक्तदान कार्यक्रमबाट १०९ युनिट रगत सङ्कलन भएको छ ।

२. रक्तदान कार्यक्रम: विकास बैंकको क्षेत्रीय कार्यालय नारायणगढमा आयोजित रक्तदान कार्यक्रमबाट १५२ युनिट रगत सङ्कलन भएको छ ।

३. रक्तदान कार्यक्रम: विकास बैंकको क्षेत्रीय कार्यालय पोखरामा आयोजित रक्तदान कार्यक्रमबाट १०५ युनिट रगत सङ्कलन भएको छ ।

४. गलेश्वरधाम ज्येष्ठ नागरिक आश्रम, म्याग्दीमा न्यानो कपडा वितरण ।

५. श्री शिव पार्वती बृद्धाश्रम तथा बहुउद्देश्यीय संस्था, स्याङ्जामा न्यानो कपडा वितरण ।

६. गुरुकुल बृद्धाश्रम, स्याङ्जामा न्यानो कपडा वितरण ।

७. विर्तामोड नगरपालिका, झापाको सबै वडाहरुका लागि डस्टबिन हस्तान्तरण ।

८. भृकुटीपथ टोल विकास संस्था एवम् पुतलीबजार टोल विकास संस्था, चितवनमा डस्टबीन हस्तान्तरण ।

९. श्री जनता माध्यमिक विद्यालय, मलंगवा, सर्लाहीमा अध्ययनरत कक्षा १ का ८५ जना विद्यार्थीहरुका लागि स्कुल ब्याग वितरण ।

१०. अनाथ तथा असहाय महिला कल्याण समाज, रुपन्देहीको अनाथ आश्रममा आवश्यक इन्भर्टर हस्तान्तरण ।

११. प्रशान्ति बृद्धाश्रम केन्द्र (सुर्खेत)लाई आवश्यक बेड हस्तान्तरण ।

१२. ट्राफिक व्यवस्थापनलाई थप सहजीकरण हेतु क्षेत्रीय ट्राफिक कार्यालय इटहरीको समन्वयमा डिजिटल बोर्ड स्थापना ।

१३. वित्तीय जागरुकताका लागि नेशनल इन्फोटेक कलेज, वीरगञ्जमा वित्तीय साक्षरता कार्यक्रमको आयोजना ।

१४. सेती प्रादेशिक अस्पताल, धनगढीमा आर्थिक सहयोग एवम् अस्पतालमा भर्ना भएका विरामीहरुलाई फलफूल वितरण ।

१५. काठमाडौंको बूढानीलकण्ठ मन्दिरलाई १०० थान कुर्सी हस्तान्तरण ।

१६. नेपाल प्रहरी अनाश्रित गुल्म, सुन्धारालाई भिजिटर कुर्सी हस्तान्तरण ।

१७. अमर सेवा नेपाल अनाथ आश्रमलाई आवश्यक कम्प्युटर र प्रिन्टर हस्तान्तरण ।