नेपालको अनुमानित जीडीपी ५३ खर्ब ८१ अर्ब

काठमाडौं । नेपालको कुल गार्हस्थ उत्पादन (जीडीपी) ५३ खर्ब ८१ अर्ब पुग्ने अनुमान राष्ट्रिय तथ्याङ्क कार्यालयले सार्वजनिक गरेको छ । देशको अर्थतन्त्रको आकार भनेर चिनिने जीडीपी यसअघि ४८ खर्ब हाराहारी थियो ।

मंगलबार राष्ट्रिय लेखा तथ्यांक सार्वजनिक गर्दै कार्यालयले नेपालको आर्थिक वृद्धिदर यो वर्ष २।१६ प्रतिशत हुने प्रारम्भिक अनुमान गरेको छ ।

कार्यालयले चालू आवमा नेपालको आर्थिक वृद्धिदर उपभोक्ता मूल्यमा १।८६ प्रतिशत र आधारभूत मूल्यमा २।१६ प्रतिशत हुने प्रारम्भिक अनुमान सार्वजनिक गरेको हो ।