निर्वाचनले लोकतन्त्र परिपक्व बनाउँछ: अध्यक्ष गाेल्छा

काठमाडाैं । नेपाल उद्योग वाणिज्य महासंघका अध्यक्ष शेखर गोल्छाले मतदानमा सहभागि हुन अपिल गरेका छन् । उनले सामाजिक संञ्चाल ट्वीटरमार्फत निर्वाचनले लोकतन्त्र परिपक्व बनाउने जनाउँदै मतदानमा सहभागि हुन अपिल गरेका हुन् ।

उनले ट्वीटरमा लेखेका छन्, ‘निर्वाचनले लोकतन्त्र परिपक्व बनाउँछ । सामाजिक न्याय सहितको खुला अर्थतन्त्रमा सबैले फक्रिने अवसर पाउछन् । आज हामीले लोकतन्त्र, सम्मानित जीवन, सामाजिक न्याय र समान अवसरका लागि निर्वाचनमा सहभागि भएनौ भने आगामी पाँच बर्षमा परिवर्तन सम्भव नहुन सक्छ । त्यसैले मतदानमा सहभागि बनौ ।’

गोल्छाले आफ्नो परिवारसहित मतदान केन्द्र पुगेर मतदान गरिसकेका छन्। उनले नागार्जुन नगरपालिकामा रहेको सीतापाइला मावि मतदान केन्द्र पुगेर मतदान गरेका हुन्।

गोल्छासहित अन्य उद्योगी व्यवसायीहरुले उत्साहपूर्वक आ-आफ्नो मतदान केन्द्र पुगेर भोट हालिरहेका छन्।