तोलाको ९८ हजार २ सय रुपैयाँ पुग्यो सुनको मूल्य

काठमाडौं । आज मंगलबार सुनको मूल्य बढेको छ । सोमबार तोलाको ९७ हजार २ सय रुपैयाँमा कारोबार भएको छापावाला सुनको भाउ तोलामा १ हजार रुपैयाँले बढेर तोलाको ९८ हजार २ सय रुपैयाँ पुगेको छ ।

त्यस्तै आज तेजाबी सुनको मूल्य पनि प्रतितोला १ हजार रुपैयाँले नै बढेर तोलाको ९७ हजार ७ सय रुपैयाँमा कारोबार भइरहेको छ ।

आज चाँदीको मूल्य तोलामा ३० रुपैयाँले बढेर प्रतितोला १ हजार ३२५ रुपैयाँ कायम भएको छ ।

नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ८४ हजार १ सय ९० रुपैयाँ, प्रति १० ग्राम तेजाबी सुनको मूल्य ८३ हजार ७ सय ६० रुपैयाँ र प्रति १० ग्राम चाँदीको मूल्य १ हजार १ सय ३६ रुपैयाँ कायम गरेको छ ।