सुनको मूल्य फेरि बढ्याे, तोलाको १ लाख १० हजार ८ सय भयाे कराेबार

काठमाडौं। बुधबार सुनको मूल्य उकालो लागेको छ । मंगलबार प्रतितोला १ लाख ९ हजार ८ सय रुपैयाँमा कारोबार भएको सुन आज १ हजार रुपैयाँले बढेर प्रतितोला १ लाख १० हजार ८ सय रुपैयाँ पुगेको छ।

यस्तै तेजावी सुनको मूल्य आज तोलामा एक हजार रुपैयाँले बढेर १ लाख १० हजार २ सय ५० रुपैयाँमा कारोबार भएको नेपाल सुनचाँदी व्यवसायी महासंघले जनाएको छ। चाँदीको मूल्य पनि आज तोलामा १५ रुपैयाँले बढेर एक हजार ४ सय ५० रुपैयाँमा कारोबार भइरहेको जनाएको छ।

आज अन्तर्राष्ट्रिय बजारमा भने सुन प्रतिऔंस दुई हजार २० अमेरिकी डलरमा कारोबार भइरहेको छ।