सुनसहित तिलगंगाबाट एक जना पक्राउ

काठमाडौं । अवैध रूपमा भन्सार छली सुनको कारोबार गर्ने व्यक्तिलाई प्रहरीले पक्राउ गरेको छ ।

तिलगंगा एरियामा विदेशबाट आउने नेपाली यात्रुले त्रिभुवन अन्तराष्ट्रिय विमानस्थलबाट अवैध रूपमा भन्सार छली गरी ल्याएको सुन ओसार पोसार विक्री वितरण गरी रहेको भन्ने सूचनाका आधारमा प्रहरीले १ जनालाई प्रहरीले पक्राउ गरेको छ ।

प्रहरीले पर्सा जिल्ला विरगंज महानगरपालिका २९ का सम्साद आलमलाई शंकास्पद अवस्थामा फेला पारी उनको शरीर खानतलासी गर्दा लगाएको पाइन्टको दायाँ खल्तीमा ५४।८७० ग्राम तौल भएको सुनको बाला थान(२ फेला परेकोले प्रहरीले जनाएको छ ।

आलमलाई पक्राउ गरी सुनसहित भन्सार ऐन, २०६४ अन्तर्गतको कसूरमा थप अनुसन्धान तथा आवश्यक कारबाहीको लागि त्रिभुवन अन्तराष्ट्रिय विमानस्थल भन्सार कार्यालय, गौचर काठमाडौंमा पठाइएको प्रहरीले जनाएको छ ।