कीर्तिमानी बिन्दुमा पुगेर घट्यो सुनको मूल्य, कतिमा हुँदैछ कारोबार ?

काठमाडौं । नेपाली बजारमा आज सुनको मूल्यमा गिरावट आएको छ । नेपाल सुनचाँदी व्यवसायी महासंघका अनुसार आइतबार कीर्तिमानी रेकर्ड कायम गरेको सुनको मूल्य सोमबार भने घटेको हो ।

आज नेपाली बजारमा छापावाल सुनको मूल्य तोलामा ३ सय रूपैयाँ घटेको छ । महासंघका अनुसार आजका लागि छापावल सुनकाे मूल्य प्रतिताेला १ लाख ५२ हजार ३०० रूपैयाँ कायम भएको छ । अघिल्लो दिन याे सुन प्रतिताेला १ लाख ५२ हजार ६०० रूपैयाँमा काराेबार भएकाे थियाे ।

त्यस्तै आज चाँदीको मूल्यमा भने कुनै घटबढ भएको छैन । चाँदीको भाउ स्थिर अर्थात् १ हजार ८१० रूपैयाँ प्रतिताेला कायम छ ।