सुनको मूल्य बढ्दा चाँदीको स्थिर, कतिमा हुँदैछ किनबेच ?

काठमाडाैं । नेपाली बजारमा आज (बुधबार) सुनकाे मूल्य बढेको छ ।

मंगलबार प्रतितोला एक हजार रूपैयाँले घटेको सुनको भाउ बुधबार प्रतितोला एक हजार चार सय रूपैयाँले बढेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ५१ हजार रूपैयाँमा कारोबार भइरहेको छ ।

मंगलबार छापावाल सुन प्रतितोला एक लाख ४९ हजार छ सय रूपैयाँमा कारोबार भएको थियो ।

यता, बुधबार चाँदीको मूल्य भने स्थिर छ । यस दिन चाँदी प्रतितोला एक हजार सात सय ६५ रूपैयाँमा कारोबार भइरहेको छ ।

मंगलबार पनि चाँदी सोही मूल्यमा कारोबार भएको थियो ।