माघेसंक्रान्तिका दिन घट्यो सुनचाँदीकाे मूल्य, कतिमा हुँदैछ किनबेच ?

काठमाडौं । नेपाली बजारमा आज (मंगलबार) सुनचाँदीको मूल्य घटेको छ ।

अघिल्लो दिन सोमबारको तुलनामा प्रतितोला आठ सय रूपैयाँले घटेर एक लाख ५५ हजार रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

सोमबार छापावाल सुन प्रतितोला एक लाख ५५ हजार आठ सय रूपैयाँमा कारोबार भएको थियो ।

त्यसैगरी मंगलबार चाँदीको मूल्य पनि घटेको छ । सोमबार स्थिर रहँदै प्रतितोला एक हजार आठ सय ६० रूपैयाँमा किनबेच भएको चाँदी आज प्रतितोला ४० रूपैयाँले घटेर एक हजार आठ सय २० रूपैयाँमा कारोबार भइरहेको छ ।