सुनको मूल्यमा उच्च वृद्धि, प्रतितोला एक लाख ३० हजार

काठमाडौं । आज शुक्रबार सुनको मूल्यले नयाँ रेकर्ड कायम गरेको छ ।

हिजो बिहीबार पनि सुनको मूल्य बढेर नयाँ इतिहास कायम गर्दै छापावाला सुनको मूल्य प्रतितोला एक लाख २७ हजार ९०० रुपैयाँ पुगेको थियो ।

उक्त मूल्यमा आज फेरि उच्च वृद्धि भएको छ । बिहीबारको उक्त रेकर्ड ब्रेक गर्दै आज प्रतितोला दुई हजार १०० रुपैयाँले बढेर सुनको मूल्य प्रतितोला १ लाख ३० हजार रुपैयाँ कायम भएको नेपाल सुनचाँदी व्यवसायी महासंघले जनाएको छ ।

त्यस्तै, शुक्रबार तेजावी सुनको मूल्य प्रतितोला १ लाख २९ हजार ४ सय रुपैयाँ कायम भएको छ । साथै, शुक्रबार चाँदीको मूल्य प्रतितोला १५ रुपैयाँले बढेर १५ सय २५ रुपैयाँ कायम भएको छ ।