तीन सयले घट्यो सुनको मूल्य

काठमाडौँ । आज नेपालमा सुनचाँदीको मूल्यमा प्रतितोला तीन सयले गिरावट आएको छ ।

नेपाल सुनचाँदी व्यवसायी महासंघका अनुसार आज सुन प्रतितोला एक लाख तीन हजार दुई सय रुपैंयाँमा कारोबार भइरहेको छ । हिजो प्रतितोला रु एक लाख तीन हजार पाँच सयमा कारोबार भएको महासंघले जनाएको छ ।

आज तेजाबी सुनको मूल्य प्रतितोला रु एक लाख दुई हजार सात सय छ । यसको मूल्य अघिल्लो दिन रू एक लाख तीन हजार थियो । त्यस्तै आज चाँदीको मूल्य अघिल्लो कारोबार मूल्यका तुलनामा स्थिर रही प्रतितोला रु एक हजार तीन सय ६५ कायम भएको महासङ्घले जनाएको छ ।