सुनको मूल्यमा गिरावट, कतिमा हुँदैछ कारोबार ?

काठमाडौँ । साताको अन्तिम दिन आज सुनको मूल्यमा गिरावट आएको छ । आज सुन प्रतितोला एक हजार चार सयले घटेको नेपाल सुनचाँदी व्यवसायी महासंघले जनाएको छ ।

बिहीबार सुन हालसम्मकै उच्च मूल्य प्रतितोला एक लाख ७ हजार ५ सय रुपैयाँ पुगेको थियो । यस्तै आज तेजाबी सुनको मूल्य समेत तोलामा १४ सय रुपैयाँले नै घट्दै एक लाख ५ हजार ६ सय रुपैयाँमा कारोबार भइरहेको छ ।

चाँदीको मूल्य भने अघिल्लो दिनको मूल्यमा ३० रुपैयाँले घट्दै आज प्रतितोला एक हजार ३६५ रुपैयाँमा कारोबार भइरहेको महासङ्घले जनाएको छ ।