ह्वात्तै घट्यो सुनको मूल्य

काठमाडौँ । नेपाली बजारमा सुनको मूल्य ह्वात्तै घटेको छ । कारोबारको पहिलो दिन आज सुनको मूल्य प्रतितोला दुई हजारले घटेको हो ।

नेपाल सुनचाँदी व्यवसायी संघका अनुसार आज सुन प्रतितोला एक लाख ४ हजार १०० रुपैयाँ र तेजाबी सुन तोलामा एक लाख ३ हजार ६०० रुपैयाँमा कारोबार भइरहेको छ ।

गत साता शुक्रबार छापावाल सुन प्रतितोला तोलामा एक लाख ६ हजार १०० र तेजाबी सुन प्रति तोला एक लाख ५ हजार ६०० रुपैयाँमा कारोबार भएको थियो ।
यस्तै, आज चाँदीको मूल्य समेत घटेको छ । महासंघका अनुसार आज चाँदी प्रतितोला तोलाले ४५ रुपैयाँले घटेको छ । यससँगै, आज चाँदीको मूल्य तोलामा १३ सय २० रुपैयाँ कायम भएको छ । गत साताको शुक्रबार यसको मूल्य तोलामा १३ सय ६५ रुपैयाँ कायम थियो ।