सुनको मूल्यमा सामान्य वृद्धि

काठमाडौं । आज सोमबार नेपाली बजारमा सुनको मूल्य सामान्य वृद्धि भएको छ ।

हिजो आइतबार स्थिर रहेको सुनको मूल्यमा आज प्रतितोला ३०० रुपैयाँले बढेको हो ।

आइतबार छापावाला सुन प्रतितोला एक लाख ३६ हजार ९०० रुपैयाँमा कारोबार भएकामा आज प्रतितोला एक लाख ३७ हजार २०० रुपैयाँ कायम भएको छ ।

यस्तै, आज तेजावी सुनको मूल्य प्रतितोला एक लाख ३६ हजार ५५० रुपैयाँ कायम गरिएको नेपाल सुनचाँदी व्यवसायी महासंघले जनाएको ।

यसैगरी, आज चाँदीको मूल्यमा प्रतितोला २५ रुपैयाँले बढ्दै एक हजार ८८० रुपैयाँमा कारोबार भइरहेको छ ।