शनिबार, असोज ४, २०८२
कर्पोरट खबर
10:56 am, शनिबार, असोज ४, २०८२
काठमाडौँ । ग्र्यामी अवार्ड विजेता गीतकार ब्रेट जेम्सको विमान दुर्घटनामा मृत्यु भएको छ । ५७ बर्षिय जेम्सको उत्तरी क्यारोलिनामा विमान दुर्घटनामा निधन भएको सिएनएनले उल्लेख गरेको छ ।
रिपोर्टका अनुसार, जेम्स सिरस एसआर २२ टी विमानमा सवार तीन जनामध्ये एक थिए । सेप्टेम्बर १८, बिहीबार, उत्तरी क्यारोलिनाको फ्र्याङ्कलिनको एक स्कूल नजिकै विमान दुर्घटनाग्रस्त भएको थियो । विमान दुर्घटनामा सवार तिनै जनाको मृत्यु भएको छ ।
संघीय उड्डयन प्रशासनले विमान उत्तरी क्यारोलिनाको फ्र्याङ्कलिनको एउटा खेतमा दुर्घटनाग्रस्त भएको बताएको छ । न्याशभिल सङ्गराइटर्स एसोसिएसन इन्टरनेशनलका अनुसार ब्रेटका ५०० भन्दा बढी गीतहरू एल्बमहरूमा समावेश भएका छन्, जसको संयुक्त बिक्री ११ करोड भन्दा बढी रहेको छ ।
जेम्स २०२० मा न्याशभिल सङ्गराइटर्स हल अफ फेममा निर्वाचित भएका थिए । न्याशभिल सिम्फनीका अनुसार उनी प्रकाशन कम्पनी कोर्नम्यान म्युजिकको पनि मालिक थिए र कन्ट्री म्युजिक एसोसिएसनको बोर्डमा र द रेकर्डिङ एकेडेमीको राष्ट्रिय ट्रस्टीको रूपमा सेवा गरेका थिए ।
FACEBOOK COMMENTS