शेयर बजारमा हरियाली

काठमाडौं । नेपाल स्टक एक्सचेञ्ज (नेप्से) सोमबार ३२ अंकले बढेको छ । आज नेप्से ३२.२२ अंकले बढेर दुई हजार ५ सय ४६ दशमलब ०९ विन्दुमा पुगेको छ । त्यस्तै, आज कारोबार रकम भने बढ्न सकेको छैन । आज ४ अर्ब ५४ करोड २३ लाख बराबरको कारोबार भएको छ ।

नेप्सेका अनुसार नेप्सेमा उच्च गिरावट भए पनि आज एक कम्पनीको शेयरमूल्यमा उच्च वृद्धि भएको छ । शेयरमूल्य बढ्ने कम्पनीहरुमा एक्सेल डेभलपमेन्ट बैंक रहेको छ । यस कम्पनीको शेयरमूल्य १० प्रतिशतले बढेर प्रतिकित्ता ६ सय १० दशमलब ५० रुपैयाँ पुगेको छ ।

त्यस्तै, आज जनउत्थान सामूदायिक लघुवित्त र न्यादि हाइड्रो पावारको शेयरमूल्यमा उच्च गिरावट आएको छ । आज जनउत्थान सामूदायिक लघुवित्त कम्पनीको शेयरमूल्य करिब ६ प्रतिशत भन्दा बढीले घटेको छ । यस्तै, कारोबारको आधारमा आज सबैभन्दा बढी कारोबार नविल बैंकको भएको छ । यस बैंकको आज १७ करोडभन्दा बढीको कारोबार भएको छ ।