मंगलबार, चैत १७, २०८२
कर्पोरट खबर
7:44 am, मंगलबार, चैत १७, २०८२
काठमाडौँ । जारी आइपिएलमा आज एक खेल हुदैछ । आज गत सिजनको उपविजेता पञ्जाव किंग्स र गुजरात टाइटन्स आमने सामने हुदैछन् । न्यू चण्डीगढ क्रिकेट मैदानमा हुने यो खेल नेपाली समय अनुसार साँझ ७: ४५ बजेदेखि शुरु हुदैछ ।
पञ्जावको कप्तानी श्रेयस अय्यरले गर्दैछन् भने गुजरातको कप्तानी भारतीय कप्तान शुभमन गिलले गर्दैछन् । पञ्जावमा प्रियांस आर्या, कप्तान अय्यर र शशांक सिंह जस्ता ब्याट्सम्यानको भूमिका प्रमुख हुने देखिन्छ भने राष्ट्रिय टिमका बलर अर्शदीप सिंह र स्पीनर युजवेंद्र चहलले पञ्जावलाई थप बलियो बनाएका छन् ।
त्यस्तै गुजरातका लागि भने कप्तान गिलसहित साइ सुदर्शन, ग्लेन फिलिप्स र जोस बटलरको रन बनाउने जिम्मेवारी हुने छ भने राशिद खान, मोहमद सिराज र साइ किशोरको बलिङ डिपार्टमेन्ट सम्हाल्ने जिम्मेवारी हुनेछ ।
आइपिएलमा अहिलेसम्म गुजरातले २०२२ मा उपाधि जितेको छ भने २०२३ मा उपविजेता बनेको छ । पञ्जावले अहिलेसम्म उपाधि जित्न सकेको छैन ।
FACEBOOK COMMENTS