गुण्डा नाइके लरेन्स विश्नोईको नाम लिएर ८ करोड फिरौती माग गर्ने नेपाली पक्राउ

काठमाडौं । भारतीय गुण्डा नाइके लरेन्स विश्नोईको नाम लिएर पैसा माग गरेको आरोपमा एकजना  नेपाली पक्राउ परेका छन् ।

पक्राउ पर्नेमा सुर्खेतको भेरीगंगा नगरपालिका–७ काठेघारीका ४१ वर्षीय रामबहादुर बुढा क्षेत्री (बिसी) हुन्।

कोहलपुर नगरपालिका मा डेरा गरी बस्दै आएका बिसीलाई इलाका प्रहरी कार्यालय कोहलपुर, बाँकेबाट खटिएको प्रहरी टोलीले बाँकेमा पक्राउ  गरेको हो ।उनले विश्नोईको नाम लिँदै पाँच करोड भारु (८ करोड नेपाली) फिरौती माग गरेको प्रहरीको भनाई छ ।

सामाजिक सञ्जाल ह्वाट्स एप प्रयोग गरी उनले फिरौती माग गरेको आरोप छ । उनले विदेशी नम्बरको ह्वाट्स एपबाट फोन गरेर धम्क्याउने गरेको पाइएको प्रहरीको भनाइ छ ।