आज पूर्वराजा ज्ञानेन्द्र शाह लुम्बिनी जाँदै

काठमाडौं । पूर्वराजा ज्ञानेन्द्र शाह आज लुम्बिनी जाने भएका छन् । लुम्बिनी थाइजेन्ड बुद्ध विहारमा जारी पूजामा सहभागी हुन लुम्बिनी जान लागेका हुन् ।

मङ्सिर ४ गतेबाट विहारमा विश्व शान्तिको कामना र विहारमा स्थापना गरिएका १ हजार बुद्ध मूर्तिको प्राण प्रतिष्ठान पूजा चलिरहेको छ । उद्घाटन भएपछि पुर्पुरा पूजामा सरिक हुन पूर्व राजा लुम्बिनी जाने भएका हुन् । शाह पूजा सकेर आज नै काठमाडौँ फर्कने योजना रहेको जनाइएको छ ।

पूजामा अहिले १२ देशका ६ सय भन्दा धेरै बुद्धिमार्गिहरु सहभागी भएका छन् ।