हमासले दुई बर्षपछि रिहा गर्‍यो २० बन्धक

काठमाडौं । हमासले पहिलो चरण र दोस्रो चरणमा गरेर कुल २० बन्धकलाई रिहा गरेको छ ।

हमासले सोमबार पहिलो चरणमा ७ जना र दोस्रो चरणमा १३ जना जीवित बन्धकलाई रिहा गरेको हो ।

हमासले उत्तरी गाजाबाट ७ जना र १३ जनालाई दक्षिणी गाजाबाट अन्तर्राष्ट्रिय रेडक्रस समितिलाई हस्तान्तरन गरेको हो ।

पहिलो चरणमा माटन एङ्गरस्ट, एलोन ओहेल, इटान मोर, गाली र जिभ बर्मन, ओम्री मिरान र गाय गिल्बोआ–दलाललाई रेडक्रसलाई हस्तान्तरण गरिएको थियो ।

इजरायली सेनाले १३ जना बन्धक हमासले रेडक्रसलाई हस्तान्तरण गरेको जानकारी दिदै उनीहरुलाई सेनाको ब्यारेकमा लगिन लागेको बताएको छ ।

यसैबीच अमेरिकी राष्ट्रपति डोनाल्ड ट्रम्प इजरायलको राजधानी तेल अभिभ पुगेका छन् । उनले केहीबेरमा इजरायली संसदलाई सम्बोधन गर्दैछन् ।

त्यस्तै ट्रम्पले बन्धकका परिवारलाई समेत भेट्ने कार्यक्रम रहेको छ ।

यी हुन हमासले रिहा गरेका २० बन्धक

पहिलो चरणमा उत्तरी गाजाबाट माटन एङ्गरस्ट, एलोन ओहेल, इटान मोर, गाली र जिभ बर्मन, ओम्री मिरान र गाय गिल्बोआ–दलाललाई रेडक्रसलाई हस्तान्तरण गरिएको थियो ।

त्यस्तै हमासले दक्षिणी गाजाबाट छोडेका १३ बन्धकमा ३६ बर्षिय एल्काना बोहबोट, २१ बर्षिय रोम ब्रास्लाव्स्की, २१ बर्षिय निम्रोद कोहेन, ३५ बर्षिय डेभिड कुनियो, २८ बर्षिय एरियल कुनियो, २४ बर्षिय इभ्यातार डेभिड, ३७ बर्षिय म्याक्सिम

हर्किन, ३९ बर्षिय इटान हर्न, २७ बर्षिय सेगेभ क्याल्फन, २३ बर्षिय बार कुपरस्टेन, २५ बर्षिय योसेफ–चैम ओहाना, ३२ बर्षिय अविनाथन वा र २५ बर्षिय मतन जङ्गाउकर रहेका छन् ।

हमासले आफुहरुसँग भएका जीवित बन्धक सबै हस्तान्तरण गरेको जानकारी गराएको इजरायली मिडियाहरुले उल्लेख गरेका छन् । नेपाली युवा विपिन जोशी भने जीवित नभएको इजरायली सेनाले परिवारलाई जानकारी गराएको

इजरायलका लागि नेपाली राजदुत धनप्रसाद पण्डितले जानकारी गराएका छन् । यद्यपी विपिन जोशीका परिवारले विपिन फर्किनेमा आफुहरु आशावादी रहेको बताएका छन् ।

यसैबीच अमेरिकी राष्ट्रपति डोनाल्ड ट्रम्प इजरायलको राजधानी तेल अभिभ पुगेका छन् । उनले केहीबेरमा इजरायली संसदलाई सम्बोधन गर्दैछन् । त्यस्तै ट्रम्पले बन्धकका परिवारलाई समेत भेट्ने कार्यक्रम रहेको छ ।