‘हातैमा बाला’ म्युजिक भिडियो सार्वजनिक

 

काठमाडौं । विगत दश वर्षदेखि गायनमा निरन्तर लागिपरेकी गायिका मनमा बी.राई अब्बल गायिकाको स्वरमा रेकर्ड भएको पछिल्लो गीत ‘हातैमा बाला’ बोलको गीतको म्युजिक भिडियो आदिम आवाज अनलाइन टिभीको अफिसियल च्यानलबाट रिलिज भएको छ ।

कमल राईको निर्देशनमा बनेको ‘हातैमा बाला’ बोलको गीत आदिम आवाज अनलाइन टिभी स्टुडियोमा एक कार्यक्रम आयोजना गरी सार्वजनिक गरिएको हो ।उक्त म्युजिक भिडियो हेरिसकेपछि दर्शकबाट अब्बल र नेपालीपनले भरिएको भन्ने प्रतिक्रिया दिएका थिए ।

गीतकार टीका चाम्लिङको मिठो शब्द रचना र म्युजिक भिडियोको छायाङ्कन काठमाडौँको टोखा र जीतपुर फेदीमा गरिएको हो ।