पुराना उपकरण प्रयोग गरेपछि मात्र नयाँ किन्न मन्त्री बस्नेतको निर्देशन

काठमाडौै । स्वास्थ्य तथा जनसङ्ख्यामन्त्री मोहनबहादुर बस्नेतले पुरानो उपकरण बनाएर प्रयोग गरेर मात्र नयाँ उपकरण किन्न निर्देशन दिएका छन् ।

मन्त्रालयमा कर्मचारीलाई निर्देशन दिँदै उनले पुराना उपकरण बनाएर मात्र नयाँ उपकरण किन्न निर्देशन दिए । “उपकरण खरिद गरिएर राखिएका मात्र छन् । प्रयोग गरिएका छैनन् । नयाँ उपकरण किन किन्नुप¥यो रु” उनले भने, “अहिले भएका पुराना उपकरण के कस्ता कहाँ रहेका छन् । तिनीहरू बनाएर प्रयोग नगरेसम्म खरिद प्रक्रियामा जानु हुँदैन ।”

उनले एक हप्ताभित्र पुराना उपकरणको अवस्थाबारे आफूलाई जानकारी गराउनसमेत निर्देशन दिए । उनले स्वास्थ्य मन्त्रालयल संवेदनशील भएकाले जभाभावी बिदामा पनि नबस्न कर्मचारीलाई निर्देशन दिए । मन्त्री बस्नेतले आफू सफल हुनु भनेको कर्मचारीले राम्रो काम गरेपछि हुने भन्दै कर्मचारीलाई दत्तचित्त भएर काम गर्न आग्रह गरे । “म सफल हुने भनेको तपाईंहरूले काम गरेर मात्र हुने हो”, उनले भने, “तपाईंहरूले आफ्नो कर्तव्य पालन भएर काम गर्नुपर्दछ । आन्तरिक काम तपाईंहरूले गर्ने हो । म टिमको नेतृत्व गरेर काम गर्दछु ।”

उनले कोरोना भाइरस र डेङ्गु सङ्क्रमण सावधानी अपनाएर रोकथाम र नियन्त्रण गर्न सकेको बताए । सरकारी अस्पतालजस्तो राम्रो उपचार निजी अस्पतालमा नहुने भन्दै सरकारी अस्पतालको गुणस्तरलाई अझ ध्यान दिनुपर्ने उनको भनाइ थियो ।

उनले चिकित्सको परामर्श शुल्क तोक्ने विषयमा मन्त्रालयको लगाम हुनुपर्ने बताए । “चिकित्सकको विशेषज्ञतालाई पनि ध्यान दिनुपर्दछ । चिकित्सक र बिरामीको मर्कालाई ध्यान दिनुप¥यो ।

यतिसम्म चिकित्सकको परामर्श शुल्क उचित हुन्छ भनेर सिलिङ तोक्ने स्वास्थ्य मन्त्रालयको लगाम हुनुपर्दछ”, मन्त्री बस्नेतले भने । उनले चिकित्सकले तोक्ने शुल्कको नियमन र अनुगमन गर्नुपर्ने भनाइ राखे । “एउटा चिकित्सकले एउटा बिरामी हेरेको एक हजार दुई सय लिन थालेको मैले सुनेको छु”, उनले भने, “त्यसको अनुगमन र नियमन कसले गर्ने हो ?”

कार्यक्रममा मन्त्रालयका सचिव देवकुमारी गुरागाईंले मन्त्रालयका केही ऐनका दफा संशोधन गर्नुपर्ने बताए । उनले वीर अस्पतालमा अबदेखि शल्यक्रियाका लागि समय पर्खनु नपर्ने अवस्थाका लागि विज्ञापन गरिएको बताए ।