बिहीबार, कात्तिक १३, २०८२
कर्पोरट खबर
12:48 pm, बिहीबार, कात्तिक १३, २०८२
काठमाडौं । मौसमविद्ले आज रातिदेखि भोलिसम्म देशका धेरै भागमा भारी वर्षाको सम्भावना रहेको बताएका छन् । मौसमविद् विनोद पोखरेलले अहिले न्यूनचापीय प्रणाली नेपालभन्दा धेरै टाढा रहेको र आज रातिदेखि सक्रिय हुने बताएका छन् ।
उनका अनुसार, मोन्थाको प्रभावले हिजो बेलुकादेखि पूर्वी नेपाल र आज बिहानदेखि गण्डकी प्रदेशभन्दा पूर्वका सबै भागमा हल्कादेखि मध्यम वर्षा भइरहेको छ ।
यता जल तथा मौसम विज्ञान विभागले तीन दिन का लागि मौसमी चेतावनी जारी गरेको छ । विभागले देशका विभिन्न भागमा वर्षा र हिमपातको जोखिम रहेकाले सतर्कता अपनाउन आग्रह गरेको छ ।
विभागका अनुसार, आज रातिदेखि कोसी, मधेस र वाग्मती प्रदेशका सबै जिल्लामा तथा गण्डकी र लुम्बिनी प्रदेशका गोरखा, नवलपरासी र रूपन्देही जिल्लामा ’सतर्क रहन’ भनेको छ ।
विभागले शुक्रबार कोसी, मधेस, र वाग्मती प्रदेशका सबै जिल्लासहित गोरखालाई ’सतर्क रहने’ सूचीमा राखेको छ ।
शनिबार कोसी प्रदेशको पूर्वी भेगका संखुवासभा, ताप्लेजुङ, पाँचथर, इलाम र झापा जिल्लामा ’सतर्कता’ अपनाउन भनिएको छ । बाँकी अधिकांश जिल्लाहरूमा मौसम सुधार हुँदै जाने अनुमान गरिएको छ ।
FACEBOOK COMMENTS