बालाजुु औद्योगिक क्षेत्रमा भिषण आगलागी, हेलिकप्टरले पनि निभाउन सकेन

काठमाडौं । काठमाडौंको बालाजुस्थित बालाजु औद्योगिक क्षेत्र रहेको नेबिको विस्कुट कम्पनीको गोदाममा आगलागी भएको ।

प्रहरीका अनुसार गय राति दुई बजेदेखि उक्त क्षेत्रमा आगलागी सुरु भएको थियो । आगो निभाउनको लागि काठमाडौं, भक्तपुर र ललितपुरका बारुणयन्त्र तथा सुरक्षाकर्मी खटिएका छन् । तै पनि आगो निभाउन नसकिएको बालाजु प्रहरीले जनाएको छ ।

आगो निभाउन नसकेपछि शनिबार बिहान सिम्रिक एयरको हेलिकप्टरबाट पानी हालेर आगो निभाउने प्रयास भएको थियो । त्यो पनि असम्भव देखिएको छ । उक्त क्षेत्रमा विद्युत् सर्ट भएर आगलागी भएको बताइएको छ । आगलागिबाट भएको क्षतिको विवरण भने आउन सकेको छैन ।