आइतबार, साउन ४, २०८२
कर्पोरट खबर
8:16 am, आइतबार, साउन ४, २०८२
काठमाडौं । हिमालयन बैंकले निष्कासन गरेको फर्दर पब्लिक इस्यू ९एफपीओ० मा आवेदन दिने आज अन्तिम दिन हो ।
बैंकले असार ३२ गतेदेखि बैंक तथा वित्तीय संस्था सम्बन्धि ऐन, २०७३ बमोजिम कुल जारी पूँजीको कम्तीमा ३० प्रतिशत सेयर सर्वसाधारणलाई छुट्याउनु पर्ने भएकोले बैंकले एफपीओ जारी गरेको हो ।
हाल बैंकको कुल चुक्ता पूँजी २१ अर्ब ६५ करोड ६६ लाख १५ हजार ६३१ रुपैयाँ रहेको छ। जसमध्ये ७२.९९ प्रतिशत हिस्सा संस्थापक समूहको रहेको छ । २७.०१ प्रतिशत हिस्सा सर्वसाधारणको रहेको छ ।
अब सर्वसाधारण समूहको हिस्सा ३० प्रतिशत पुर्याउन बैंकले १ अर्ब ४५ करोड २३ लाख २३ हजार ६३३ रुपैयाँ बराबरको प्रति सेयर १०० रुपैयाँ अंकित मूल्यमा ५७ रुपैयाँ थप गरी जम्मा १५७ रुपैयाँमा ९२ लाख ५० हजार ४६९ कित्ता थप सार्वजनिक निष्काशन गरेको हो ।
एफपीओमा न्यूनतम १० देखि अधिकतम सम्पूर्ण कित्ताका लागि आवेदन दिन सकिनेछ । यसको बिक्री प्रबन्धकमा सिटिजन्स क्यापिटल रहेको छ।
एफपीओमा नेपाल धितोपत्र बोर्डबाट स्वीकृती प्राप्त गरेका सम्पूर्ण सी आस्बा सदस्य बैंक तथा वित्तीय संस्थाबाट र मेरो सेयर आर्फत आवेदन दिन सकिने छ ।
FACEBOOK COMMENTS