प्रत्येक नेपालीले आज बीमा गर्ने हो भने १५ वर्षपछि सबै धनी बन्नेछन् (भिडिओ वार्ता)

बीमा गर्ने व्यक्ति वा संस्थाको जोखिम बीमा कम्पनीलाई हस्तान्तरण गर्नुलाई बीमा भन्ने गरिन्छ । जोखिम भनेको आर्थिक क्षतिसम्बन्धी अनिश्चितता हो, जुन जतिबेला पनि हुन सक्दछ । यही जोखिमबाट जोगिन संसारभर जीवन र निर्जीवन बीमा गर्ने चलन छ । तर, नेपालमा भने बीमा गर्नु भनेको कुनै अमुक कम्पनीलाई फोकटमा पैसा खुवाउनु हो भन्ने बुझाइ धेरै छ । यही गलत बुझाइका कारण नेपालमा बीमा व्यवसाय जसरी फस्टाउनुपर्ने हो त्यसरी फस्टाउन सकेको छैन ।

यद्यपि, धिमा गतिमा भए पनि बीमामा पहुँच भने बढिरहेकै छ । एउटा व्यक्तिलाई बीमाले सुरक्षा, मनमा शान्ति, निर्भरतामा कमी, वचतमा प्रोत्साहन, आवश्यकता पूर्ति र करको लाभलगायत अनेक सुविधा प्रदान गर्छ । यसैगरी व्यवसाय सुरक्षामा पनि अनेक सुविधाहरू छन् । तर, मानिसहरू बीमा गर्न भने पटक्कै रुची देखाउँदैनन्, जतिले बीमा गरेका छन् अधिकांशले अभिकर्ताको चित्त बुझाउन सानो–सानो गरेका छन् ।

के यसरी गरिएको बीमाले व्यक्तिको जीवन र सम्पत्तिको सुरक्षा गर्छ त ? अवश्य पनि गर्दैन । त्यसो भए खासगरी जीवन बीमालाई कसरी बुझ्ने, किन गर्ने, कसरी गर्ने र कति गर्ने त ? यसबारे हामीले हमिालयन लाइफ इन्स्योरेन्स लिमिटेडका प्रमुख कार्यकारी अधिकृत (सीईओ) मनोज कुमार लाल कर्णसँग विस्तृत कुराकानी गरेका छौँ । प्रस्तुत छ, सीईओ कर्णसँग कर्पोरेट खबरका ज्योति जीसीले गरेको कुराकानीको सम्पादित अंश–