हिट्को कम्पनी ४९औं वर्षमा प्रवेश

काठमाडौं । बहुराष्ट्रिय कम्पनी ईएलजीआईका उत्पादनहरू नेपालमा बिक्रीवितरण गर्दै आएको हिट्को प्रालि ४९औँ वर्षमा प्रवेश गरेको छ ।

७ मंसिर २०३२ मा व्यवसायी अक्षतमान प्रधानले स्थापना गरेको हिट्को प्रालि नेपालमा ईएलजीआईको अधिकृत विक्रेताका रुपमा रहेको छ । ४८ वर्ष पूरा गरी ४९ वर्षमा प्रवेश गरेको अवसरमा कम्पनीले आफ्ना ग्राहकवर्ग, कर्मचारीलगायत सबै शुभेच्छुकहरूप्रति आभार प्रकट गरेको छ ।

काठमाडौंको महाराजगञ्ज (कपनमार्ग) मा रहेको कम्पनीले नेपालका अटो र उद्योग क्षेत्रमा आवश्यक पर्ने एयर कम्प्रेसरका साथै अन्य विभिन्न इक्वीपमेन्टहरूको बिक्रीवितरण गर्दै आएको कम्पनीका कार्यकारी निर्देशक प्रदीपमान प्रधानले जानकारी दिए ।

प्रदीपमान प्रधान व्यवसायी अक्षतमान प्रधानका छोरा हुन् । अक्षतमानले स्थापना गरेको कम्पनीलाई अहिले प्रदीपमानले नै निरन्तरता दिँदै आएका छन् । नेपालमा हिट्को कम्पनीले ऊर्जा बचत गर्दै वायु शक्तिले पनि उच्च प्रदर्शन दिन सक्छ भन्ने तथ्यलाई स्थापित गरेको कार्यकारी निर्देशक प्रधानको भनाइ छ ।

वातावरणीय सन्तुलन कायम गर्न र ध्वनि प्रदुषण घटाउन पनि नेपालमा एयर कम्प्रेसर उपयोगी बनिरहेको उनले बताए । हिट्कोले पछिल्लो समय अटो र उद्योग क्षेत्रमा आवश्यक इक्वीपमेन्ट आयात र बिक्रीवितरण गर्दै आएको छ ।

बहुराष्ट्रिय कम्पनीका रुपमा स्थापित ईएलजीआईका युरोपभर १०० भन्दा बढी अधिकृत सेवाप्रदाकयहरू र २०० भन्दा बढी अधिकृत प्राविधिकहरू छन् ।