आज प्रतिनिधिसभा बैठक बस्दै, यस्ता छन् कार्यसूची

काठमाडौ‌ । आज सङ्घीय संसद् प्रतिनिधिसभाको बैठक बस्दैछ । बैठक बिहान ११ बजेका लागि बोलाइएको छ ।

बैठकमा विभिन्न १० कार्यसूची पेश गरिने संसद् सचिवालयले जनाएको छ । सरकारले आगामी आवका लागि ल्याएको नीति तथा कार्यक्रम पारित गर्ने सम्भावित कार्यसूची रहेको छ ।

सम्भावित कार्यसूचीअनुसार आजको बैठकमा प्रधानमन्त्री पुष्पकमल दाहाल ‘प्रचण्ड’ले सरकारको वार्षिक नीति तथा कार्यक्रममाथिको छलफल प्रारम्भ गरियोस् भन्ने प्रस्ताव प्रस्तुत गर्नेछन् ।

प्रधानमन्त्री तथा मन्त्रिपरिषद्को कार्यालयको पत्रको ब्यहोरा पढेर सुनाउने, बैठकको अध्यक्षता गर्ने सदस्यहरूको मनोनयन गर्ने, शिक्षा, स्वास्थ्य तथा सूचना प्रविधि समितिका सभापति अम्मरबहादुर थापाले सुरक्षण मुद्रण सम्बन्धी विधेयक सम्बन्धी समितिको प्रतिवेदन, २०८० पेस गर्ने कार्यसूची छ ।

उद्योग, वाणिज्य तथा आपूर्ति मन्त्री दामोदर भण्डारीले “लगानी सहजीकरण सम्बन्धी केही नेपाल ऐनलाई संशोधन गर्ने अध्यादेश, २०८१ लाई स्वीकृत गरियोस्” भन्ने प्रस्ताव प्रस्तुत गर्ने विषय पनि आजको कार्यसूची छ ।