इलाममा सुहाङ र डम्बरको मतान्तर ५५ सय नाघ्यो, चौथो स्थानबाट पछ्याउँदै रास्वपा

इलाम । इलाम निर्वाचन क्षेत्र २ मा भएको उपनिर्वाचनको जारी मतगणनामा नेकपा एमालेका सुहाङ नेम्वाङ र नेपाली कांग्रेसका डम्बर खड्काबीचको मतान्तर पाँच हजार ५८५ पुगेको छ ।

प्राप्त पछिल्लो मतपरिणाम अनुसार एमालेका नेम्वाङले १५ हजार ६५३ मत पाएका छन् भने उनलाई नेपाली कांग्रेसका डम्बर खड्काले १० हजार ६८ मतका साथ पछ्याइरहेका छन् ।

यस्तै, स्वतन्त्र उम्मेदवार डकेन्द्र थेगिमले आठ हजार ६८९ मतका साथ कांग्रेसका खड्कालाई पछ्याइरहेका छन् भने राष्ट्रिय स्वतन्त्र पार्टी (रास्वपा) का मिलन कुमार योङयाङ लिम्बुले दुई हजार ३१३ मत पाएर स्वतन्त्रका थेगिमलाई पछ्याइरहेका छन् ।