इलाममा कांग्रेससँग निरन्तर मतान्तर बढाउँदै एमालेका सुहाङ, रास्वपासँग करिब १६ हजारको फरक

इलाम । इलाम निर्वाचन क्षेत्र २ मा भएको उपनिर्वाचनको जारी मतगणनामा नेकपा एमालेका सुहाङ नेम्वाङ र नेपाली कांग्रेसका डम्बर खड्काबीचको मतान्तर ६ हजार ४३९ पुगेको छ ।

प्राप्त पछिल्लो मतपरिणाम अनुसार एमालेका नेम्वाङले १९ हजार ११४ मत पाएका छन् भने उनलाई नेपाली कांग्रेसका डम्बर खड्काले १२ हजार ६७५ मतका साथ पछ्याइरहेका छन् ।

यस्तै, स्वतन्त्र उम्मेदवार डकेन्द्र थेगिमले नौ हजार ४१० मतका साथ कांग्रेसका खड्कालाई पछ्याइरहेका छन् भने राष्ट्रिय स्वतन्त्र पार्टी (रास्वपा) का मिलन कुमार योङयाङ लिम्बुले तीन हजार ३१३ मत पाएर स्वतन्त्रका थेगिमलाई पछ्याइरहेका छन् ।

एमाले र रास्वपाका उम्मेदवारले हालसम्म पाएको मतका आधारमा मतान्तर १५ हजार ८७२ छ ।

इलाम र बझाङको निर्वाचन परिणामबारे के भन्छन् एमाले महासचिव शंकर पोखरेल ?