तनहुँमा भाले चितुवा खोरमा पर्यो

पोखरा पुष १, तनहुँमा आज बिहान एउटा भाले चितुवा खोरमा परेर नियन्त्रणमा आएको छ। तनहुँको भानु नगरपालिका–३ तुर्लुङकोटमा डिभिजन वन कार्यालयले एक हप्ता अगाडि खोर राखेको थियो ।

खोरमा परेको चितुवालाई उद्धार गरी स्थानान्तरणको तयारी गरिएको सव–डिभिजन वन कार्यालय विमलनगरले जनाएको छ ।कार्यालयले हालसम्म १३ वटा चितुवाको उद्धार गरेको छ । केही वर्षयता तनहुँका विभिन्न स्थानमा चितुवाको आतंक बढेको छ ।