काठमाडौं । इङल्याण्ड भ्रमणमा रहेको भारतीय पुरुष र महिला राष्ट्रिय क्रिकेट टिमले राजा चार्ल्स तृतीयसँग भेट गरेका छन् ।
मङ्गलबार लण्डनको सेन्ट जेम्स प्यालेसमा भएको भेटमा ७६ वर्षीय राजा चार्ल्सले भारतको लर्ड्स टेस्टको बारेमा कुरा गरेका थिए । उनले भारतीय कप्तान शुभमन गिललाई अन्तिम ब्याट्सम्यानको आउटको बारेमा प्रश्न गरेका थिए ।
जवाफमा गिलले भने, ‘हाम्रो अन्तिम ब्याट्सम्यान आउट हुने कुरा एकदमै दुर्भाग्यपूर्ण थियो, बल घुमेर विकेटमा लाग्यो । आशा छ, हामीलाई अर्को दुई खेलमा भाग्यको साथ मिल्ने छ ।’
गिलले अगाडि भने, ‘मलाई लाग्छ, हामी यस मामिलामा भाग्यशाली छौं कि हामी जहाँ जान्छौं हामीलाई सधैं राम्रो समर्थन मिल्छ । यहाँ पनि त्यस्तै भएको छ । यद्यपि सुरूका केही दिनमा लर्ड्स धेरै इङल्याण्ड समर्थकहरू थिए, तर खेलको अन्तिम तीन दिनहरूमा हामीले दर्शकहरूबाट धेरै राम्रो समर्थन पाएका थियौं ।’
भारतीय क्रिकेटरले राजासँगको भेट निकै सुखद भएको बताएका छन् ।
महिला टोलीकी कप्तान हरमन प्रीत कौरले राजासँगको भेट उत्साहजनक रहेको बताइन् । हरमन प्रीतले भनिन्, ‘यो साँच्चै धेरै राम्रो अनुभव थियो । हामी पहिले धेरै पटक इङल्याण्ड आएका छौं तर राजालाई भेटेको पहिलो पटक हो ।’
भारतको पुरुष क्रिकेट टिमले अब चौथो टेस्ट जुलाई २३ देखि ओल्ड ट्राफोर्ड स्टेडियममा खेल्दै छ ।
FACEBOOK COMMENTS